بقلم يوسف كيري
كاين اللي كيهضر، وكاين اللي كيخدم. وحصيلة الدكتور مولاي المهدي الفاطمي داخل قبة البرلمان كتبين بالواضح أنه كان حاضر بقوة فالدفاع على قضايا المواطنين وإقليم الجديدة.
خلال الولاية التشريعية 2021-2026،
تقدم بـ: 🔹 1354 سؤال برلماني.
🔹 859 سؤال كتابي.
🔹 495 سؤال شفوي.
🔹 وتوصل بـ 424 جواب من القطاعات الحكومية.
هاد الأسئلة ماشي غير أرقام، بل ملفات وقضايا وهموم ديال المواطنين، تطرحات قدام الحكومة فمجالات الصحة، التعليم، الداخلية، التجهيز، الفلاحة، النقل، التشغيل، وباقي القطاعات اللي كتمس الحياة اليومية ديال الناس.
الدور ديال البرلماني ماشي غير يحضر الجلسات، ولكن يراقب، يحاسب، وينقل صوت الساكنة للمسؤولين. والأرقام اللي قدامنا كتعكس مجهود رقابي مستمر وحضور فعلي داخل المؤسسة التشريعية.
خدمة المواطن ما كتكونش بالشعارات، كتكون بالعمل، والمتابعة، والدفاع المستمر على مصالح الساكنة. تحية لكل مسؤول كيخلي الأرقام والإنجازات هي اللي تهضر عليه.
